Juegos ancestrales de la nacionalidad Chachi

Abstract

Cha’ pebuluya, chaiba kaspele rukula naake aikimu deeñuba chaiba tsanguen dechuve. Matyu naa jundaa dechu’ba junga tie inuu juñuba juntsangue’ sunden dechuve. Entsangue kailla de aikes netaa naa bibu’ kinu bain, naa kemijanu bain demijave, tsejtaa maalliba ura’ chumijanu, enguya naa tibama juuñu’mitya, firu’ cusas, yalaa pishullanguinu bain, naa chinu lunu bain, naa jendaa nenu bain, naa pi alla mi’kenu bain, naa kiya wajnu bain, naa panda tengaanu bain demijala supulaya. Entsa taawshanu aikenu paate vera’ vera’ juntsaa kailla naa uwanu de’aikinu detya’ba aikimu deeve, naa añuñula bain, naa aawala bain, tsenmala naa rukula bain lekanu uwanuya ya’ kaillaba aikimuwa dee, naa unnalaba bain Kailla añuñushu juntsaa kaillaatala aikinu jula, tsaaren deawashu juntsaa pannalaa unnalaba aikinu jutyu, aikikaatyulaa, tsanguinmala jeke supukachu dee ti’ mityaa tsadeeve, naa katyu’ bain apa miyajtu na bain vinu jula, wajkayiren. Veelanu mijakaanu kaspele titi aikimuwa deeñu bain juntsa depiike’ kayu, tsenmala cha’ kailla, naa unbeena, naa supu na’mala aikinu detsu. Entsa aiju paate mamija’ chachillachi bale manguranu detsuve. Mantsa aiju naa yasha bain naa pisha bain, naa mandinbupu shuwa jañu bain, kujtu’mitya shilla’ paijmu dee, tsenmala pi ejnu uwatalaa tsamantsa aa tsala bain detanave, chaallichi niipenu aikinu, naa chitala bain, naa jeenbasha pumulaba bain. Entsa taawasha juushu juntsa entsa aiju paate dekave, tsenmala mantsa naa chaikama bain aikimu deju chachilla, naa challaya ura sapukaa aikimu deeñu bain, naa tyaapachi aiju sapuka bain aikindu bain. Naa chachilla naake aikimu deeñuba bain jayu jayu depirendu bain.