Miruku Chachi. El hombre sabio de la nacionalidad Chachi

Abstract

Urama patiñuya, miruku palaa juushu juntsa entsanditundive “ruku mii”. Yumalaren chachilla‟ kejtsapaatala mirukuya tsana‟ ne dilu deiñu bain, ne aamabi tapadeiñu bain, ne pensasha dilu deiñu bain yaa ura‟ manmuve. Entsange‟ kuinda detyashi‟ keeñu ura uwain chachi tinu chachilla‟ paatala, entsa mirukulaa, naa ne diipapa detyañu bain chachillanu ura‟ manmu dechuñuve. Yalaa ti dii peyan juuñu bain, demajuka‟ ere‟, firu‟ ken diipeyalanu de‟jui_eraa tanamu deeve. Mirukuya tibama demiive, naa kitaa chachillanu ura‟ mannu ju‟ bain, naa ma bulu chachimadedilu deeñu bain yaa ura‟ manmuve. Naa ne tapechi juu, naa serulanu demika‟ depake‟ ura‟ mannu ju‟ bain tsangemuve. Entsa tsange‟ detyashi keetu, unnalanu naa rukulanu bain kuinda dekeyu, ura uwain mirukula lalanu la‟kan chumu deeñuba, naa chaikama bain.