Kay llaktapak kawsaypura ishkay shimi yachayta, runayachayta shinallatak kawsaypura yachaypak kamukunata wakichina uku llikapankaka yankalla tukuy ayllukuna yaykunapakmi. 2020 watami Ecuador llaktapi kawsaypura ishkayshimi yachay (EIB), Runayachay shinallatak Kawsaypura yachaypi rurashka kamukunata kutincharinapak, allichinapak shinallatak willachinapakpash wiñachishkami. Kaypi churashka kamukunataka Sumak yachana wasikunamanta, runakunapak kamuwasimantami tantachishkanchik, wakin kamukunaka kunkarishka chinkarinakllami kashka karka./p>
Yanapak Llankaywasikuna
Kay 30 puncha kulla killa 2020 watapi llankaywasipi yuyarinakushka shuk kamumi kay hillay ruranata kallarichirka.
Runa ayllukunata yapanapak yuyaypi kallarishpami sumak yachana wasika paypak llankaypika kawsaypuranata, pakta pakta wiñarinata, tantanakunatapash chimpapurachishka.
1994 watamantami Kawsaypura Ishkay Shimi Yachaypi, llakta wiñarinapi, tarpuy sinchiyanapipash yachana llankaykunata allichishpa paktarimushkakuna.
Runa llakta ayllukuna yachaykunata paktachun, hatun yachaypi katichunpash 1991 watamanta llankamun. Kawsaypurata yachanapak wasi ukutapash charin.
Kay sumak yachay wasika, llaktayuk kawsay yachanapi ñawpakmi, kawsaypuramanta mushuk yuyay mashkana wasitami EIB mushuk yachayta mashkayman kayachin, ruray paktarinpash, 2008 watapi kallarirka. Kunanka Mamallaktapak EIB, Runayachayta, Kawsaypura yachaytapash pushakun.
Kamuta rurak unanchaka runa ayllukunapak tawka shimipi kamuta, runa ayllukunapak yuyashka kamukunata shinallatak EIB paktarinapimi tawka pachakunata llankamukun. Shinallatak llaktapi willachishkata, runa ayllukunamanta willashkatami tukuy tantachishka.
1992 watami wiñarirka, kawsaypura yuyaytami yachashpa katina llankaypika chimpapurachin. Runa ayllukunamanta shinallatak Yana afro runakunamanta yachanatapashmi charin.
1980 watamanta, Ecuador llaktaman chayamushkamantam wawakuna kawsaypura yachaypi, EIB, runayachaypipash wiñarichun llankakun. Kallaripi llankayka wakllirinalla ayllukunapakmi paktarin.
Rurayta riksichik killkakuna
