Los sitios sagrados en la cosmovisión Shuar: significado, importancia y conservación

Abstract

Tuna Shuar Karamtai: Naakmari, paantniuri nuyá Arantamu”, tama takat anintrusar najanamunmanka, juni tesar takatka najanamuiti: Akankamu chikichkinmanka, juna aujmatui: Irutkamu Taish Tui puja, Pujamu urukuit, Aujmatamu nuyá iiruntramu, Pampamu, Unuimiat chicham, Arak chicham, Yurumak nuyá umutai, Init irunu nuyá Ankant waratai. Akankamu jimiarnumka juna aujmatui: Ii uuntri nekatai tuna kakaramtiniun, Itiura enentaimna tuna karamtai, Iniu emenkamu, Tuna karamtai émesma, Kampunniu wari najana, Kampunniu wari emesa, ii nunke nuyá nui irunu, ii nunke nuya aents, Tuna nuyá kakarmari, Tunaka arutma jeente nuyá Kampuntin aentsjai itiur puja. Akankamu menaintiunmanka juna aujamtui: irutkamu taishnum tuna karamtai, Entsa nuyá kanus, Antumiank nuyá kucha, Naint nuyá muchink, Kaya waa, Ankant iratai nuyá Arantutai numi. Akankamu aintiuknumka juna aujmatjai: Amuamu nuyá seamma, Amuamu, Seamma nuyá Apatma. Takatka etserkajnia juni najanamuiti, winia enentairka yamaiya juisha yaunchu ii uuntri urkamtai wari jachau armia tura kakartaj tusa urukin armia, tura nui wearsha waketki taar jeen warinia najanin aarmia nuna jintintramji. Nunisank yamaiya juisha ani pujusminiashitiaj, nuu chichama nekainia uunt irunuash irutkamu San Josénma, tuma pujuiniakush nii nekatairin tsankamkataj tuiniawash nusha aujmatsaji. Nekas yaunchu ii uuntrinkia itiurchat ainia nuna inkiuchu armiayi kampuntin tii ankant emeskachmanum puju asar, takatnash tii takachu armiayi wari utsumak yamai ii utsumaj nuka atsu armiayi, ayatik kampuntin nii utsumamunka suu armiayi, unuimiat, entsatai, jeamtin, yurumatin ainia nuka nii pujamurinink mashi iruniuyayi nii matsamtairinkia aents susu apach kaunkar mashi yapajkiarmiayi tura shuarsha susu apach najantai unuimiarar timiatrusan najanataj tuu enentaimji nui iniu mashi emenkaji tura chickich pujutai nekaar iniu kajinmatrarkia mekaramniaitji.