Herramientas metodológicas para la enseñanza de la lengua a’ingae

Abstract

Iñajanse’puemba gi athe’fa a’i dû’shûma a’ingae ma’kaen atesian’khe’sû tevaen’jen jin’chuma.Ña’me injenge’chu tsû Durenu’sû a’i dû’shû atesûsûndekhûne kitsandekhû, atesiansûndekhû ,tuya’kaen dûshûndekhûma iñajanse’puemba athe’chuja. Ingi naniñe tevaen’jen’chu tevaen’jenda tsû kunda dû’shûma atesiankhe’sû ta tsû jin.Tsa’ma tsû aiye’pa tsa tevaen’jema atesiañe atesiansûndekhû tsa tevaen’jema atesû’fambi’si.Tsa’kamba tsû dû’shûmbe kitsandekhû’khe injan’jenfaya’chu tsa khathûfayi ma’kaen atesûpa jaya’chuma. Va iñajase’puemba athe’chuta tsû rande tsa’ma tsû ña’me injenge’chu atesiambane ingi in’jamba kanse’chui’khû faengae jichupa.Va atesû’pata tsû pui va andeni tisû ayafangae afasûneja ña’me injenge’chupa fûite . Ingi tha’thapa in’jamba sumbuen’chu tsû tayupi’sû aya’fama tueningatshe in’jamba an’biañe tsambita tsû tsa aya’faja tsangae kheye tsu’jen.Tsa’kansi gi tsuñe in’jan’fa kaentsû ingi jañuninga’sû dûshûnde ingi aya’fa, ingi injamba kanse’chuja ti’she jukhaningae jayiye.